الترامادول (الفرواله)
الترامادول او بالاسم الشعبى الفرواله هو سم انتشر فى الاونه الاخيرة و متداول بطريقه
كبيرة وسط الشباب و المراهقين بل و المسنين و النساء نظرا لقله سعرة و سهوله الحصول عليه.
فهما هو الترامدول ؟
ما هى اعراضه و فيما يستخدم؟
و لماذا انتشارة فى الاونه الاخيرة بهذة الفترة وسط الشباب و المراهقين؟
ادمانه؟
طريقه التخلص منه ؟
______________
نبدا ما هو الترامدول?
الترامدول مسكن للالام من النوع 2 و يوثر على مستقبلات المورفين و هو مسكن يشبه الهروين لامراض زى السرطان بس شتان بين الحبايه الحمرة الاكس الصينى و الهندى و الحبايه الخضرة اللى تتبع شركه كان . انتشر الفرواله وسط الشباب بشكل ملحوظ و بدا الشباب ان يبقول تحت رحمه حبايه حمرا ب2.5 ! و طبعا انتشرت لما حبيب العدلى اتولى وزراة الدخليه و بدا تقلص الحشيش بصورة كبيرة و ظهر فى الوقت دة الفرواله و طبعا انتشرت علشان ما فيها من مميزات رخيص الشريط ب 20 و بتزودها او بتعليها بالدخان و الشاى و الكلام دة و ممكن تجبيها من اى مكان مش هبالغ لو قلت ان فى كل منطقه صح كدة؟
و طبعا دماغها دماغ شغل بتديك طاقه يعنى و تركيز و بتعرف تتعامل مع الناس و ناس بتخدها علشان الاكتئاب فهو مضاد االاكتئاب و طبعا لو مخنوق دى الحل ارفع و على زى مانت عاوز و ناس بتخدها علشان تذاكر و تعرف تركز ذى طلاب هندسه و طب و صيدله للاسف تماام فى الاول انت متعرفش اللى هيحصلك بعد كدة اخدت اول مرة كاتجربه مثلا بس مبرووك بقيت مدمن اقولك انا بقى اللى هيحصل بعد كدة لو عجبتك هتكمل فيها و تضطر تزود جرعه علشان تحس نفس الاحساس .. لو معجبتكش هتاخدها تانى و هتعجبك تبدا بنص حبايه بعدها حبايه تزود و تزود لحد متوصل لرقم معين الفرواله فيها حاجه ان لما يتتعود على عدد لما يتقل الجرعه دى بتمر باعراض شوف بعد فترة كة هتلايها متحكمه فى حياتك كلهااا اول ما تصحى من نومك تاخد بقيت تحت تاثريها او ذلها انت اصلان عارف يا صحبى ان الجرعه اللى المفروض تخدها كام هى اقل من 400مج و دة مش الحبايه الحمرة الصينى المهرب دة بيحتاج دكتور يكتبهولك علشان حالات الاكتئاب الحادة التى تسبق مرحله الانتحار
_________________
اسمعنى بقى كدة و رد بصراحه انت مدمن؟
اييييه اكيد لا انا باخدها بمزاجى.
طيب كويس اوى انت بتاخدها ليه بقى؟
- علشان مخنوق و الدنيا و و و.....
تمام الفرواله مضدة االاكتئاب اه بس الحاجه لما تزيد عن حدها بتقلب ضدها و هتقلب باكتئاب حااد و فكك بقى من الكلام دة انت فى الاول علشان المشاكل و لكلام دة بعد كدة ليه اقوولك انا انت بتخدها علشان مش عارف تبطلها مش علشان مشاكل مشاكلك ذت الضعف علشان انت هربت منها يا صحبى و بقت اكبر مشكله فى حياتك حبايه بقيت عايش ليها بس لو ماخدتش يوم هتبقى عامل ازى يالى بتبطلها بمزاجك اعصابك بايظه مش عارف تتعامل مع حد دة لو مخدتش اليوم دة هتاخد بعدها بيوم صح يابقى انت ايه... مدمن .
- انا بخدها علشان اعرف اشتغل انا بشتغل 12 ساعه و و ....
- انا بخدها علشان اعرف اذاكر و اركز و ازود ساعات مذكرتى ....
- انا متجوز و باخدها علشان العلاقه الزوجيه ....
________
- بشكل عااااااااام اى مدمن برشام لو اخدة من الاول علشان اى سبب هيتحول بالتدريج انه هتلاقى السبب دة موجوود و فى سبب اكبر فى حياته و مشكله صعب حلها هو الحبايه الحمراء و ازاى يجبها و ابدء من هنااا بقى .مبروك انت فى عالم الادماان اى مدمن مش بيحس انه بقى فى العالم دة علشان العالم دة محدش بيحس انه دخله علشان اللى بياخدة مش بيحسسه بكدة بص حوليك بنظرة الانسان الواعى مش المسطول علاقتك باهللك و صحابك باظت شغللك بقيت فاشل فيه و كله بيشتكى منك و هيجيلك يوم و تسيب الشغل انت عايش لسبب بس فى حايتك تجيب الشريط باى طريقه و بعد كدة يجى اى حاجه بتعملها بس لو معاك النهاردة مش معاك بكرة لو معاك على طول علاقتك باظت لو كدة انت نفسك بقيت انسان مشلول مش بتتحرك من غيرهاااا....
- و على فكرة مش مصر بس التى بتعانى من الادمان على المنتجات المضدة االاكتئاب الاجانب عموما بيعانوا مشاكل مع الكوكايين و الخمور بس دة من باب العلم الحق نفسك بدل ماتلاقى نفسك فى يوم مضطر تبطل اسعار الحبوب دى بتغلى و لو وصلت لاى سعر انت بردة هتجيب .
_______________
- هتكلم فى نقطه كماان فى ناس بتقولك الحشيش مش ادمااان و دى فكرة منتشرة فى وسط شبابنا احب اقولك يا صديقى انت غلطاان بص بقى الادمان 3 مواد اللى بتاثر فييه:-
- مواد نشطه للجهاز العصبى:-
2.مواد مثبطه للجهاز العصبى:-
دى زى الخمور و المواد الغنيه بالسيكونال زى الكبسول الاحمر
3.المواد المهلوسه:-
زى نبات الهنب الهندى اللى هو الحشيش و المرجوانا و الاقراص اللى كان تستخدم عن طرق الحقن او الفم
__________________
نيجى بقى لاثارالبرشام عليك....بشكل عام البرشام بياثر على الانسان من اول مخك فوق لحد رجله تحت زى الصورة كدة:-
1.البرشام دة بياثر على الجهاز الهضمى و اكيد انت عارف دة انها مش بتخليك تاكل اصلان بنتفقدك الشهيه
2.بعض الاعراض الجانبيه زى العثيان و القيى و الامساك
3.بياثر على التركيز و الذاكرة هو فين اللى بيقول بذاكر بيه و بتسبب فقد موقت فى الذاكرة و هلوسه و ارق و صداع عصبيه؟
4.تورم فى العين ة قرح بمعنى القرح السواد اللى تحت عنيك دى ايوة دى.
5.جفاف الريق و تورم اللسان و الشفايفو الصعوبه فى التحدث بطريقه سليمه.
6.الهرش و تشقق الجلد و العرق و لالحساس بالرعشه المستمرة.
7.صعوبه البلعو بحه الصوت و القروح و الكحه المفرطه نتيجه النيكوتين المستمر.
8.تشنجات الاعصاب و لارتعاش و انقباض عام للعضلات و ضعف عام .
9.صعوبه التنفس.
10.حموضه و عسر المعدة .
- كل الاثار دى عضويه يعنى مش نفسيه اما لقى النفسيه بقى:-
____________________
- نيجى بقى لحته مهمه جداااااااا و هى العلاج انت مهما كنت فى مرحله متطورة متفقدش الامل فى امل تتعالج و ترجع لحياتك اللى انت بوظتها اللى لسه فى مرحله مبكرة يعنى يقدر يبطلها بنفسه و يقاوم شيطانه يبطل تدريجا بس فى نقطه انت لو بتاخد فرواله طول المدى دى لما تبطل غير و خد تامول ابيض و قلل تدريجى لحد ما توصل لنص حبايه ادخل على الربع و وقف خااالص و انا هكتب شويه مسكنات و مهدئات فى الاخر لو امكن تيجبهم يا ريت لو مش ممكن انا هكتب بردة ازاى توصلى و انا ان شاء الله هقدر اسعدك.
- اما بقى اللى فى مرحله متقدمه يعنى اللى مش قادر يعيش حياته من غيرها بيبقى عاوز يبطل بس مش عااارف مش عارف يتعامل مع الناس او مش متخيل نفسه من غيرها الحل لو قدر يقول الاهله و يصرحهم انه عاوز يتاعلج و يقدر قد اللى عمله فى نفسه يقول او يروح لدكتور لعلاج لادمان و الامراض اللى نفسى دة اللى يقدر اللى ميقدرش بقى يعمل اييه بص يا سيدى انت هتقلل تدريجيا و بردو تامول تماام كدة هتحس بالاعراض الانسحابيه و دى طبعا الاعراض اللى بتجيلك لما تقلل الجرعه و تتمثل فى رعشه و برد و عرق و سخنيه و ارق و عصبيه دى و علشان نعدى المرحله دى بقى انا هكتي فى الاخر شويه مسكنات و منومات هتسعدك و لو قادر انت تيجبها ماشى لو مش قادر بردو كلمنى المهم هتقلل تدريجا و تستعين بالله و تكون قد غلطك فميش حاجه صعبه مدام انت اخترت بارداتك انت تدخل فى الادمان انت بس اللى هتقدر تطلع منه باذن الله.
- بعص اسماء المهدات و المسكنات و المونوات و دى طبعا لازم تاخدها تحت اشراف طبيب متخصص اللى يقدر يروح يا ريت اللى مش فى مقدرته يكلمنى و انا باذن الله هوديه لدكتور من غير مقابل مادى ان شاء الله
2.اميتربتلين هيدروكلوريد
3.تيجرال200
3.نيورازين
و ان شاء الله كلوا يبقى زى الفل استعينوا بالله و ابدوا كدة اسعار الحبوب دى بتزيد و كل مدى ما بتتعب و بتظلم نفسك اكتر.
